Կորեական ազգային տարազ`ՀԱՆ ԲՈԿ
ՀԱՆԲՈԿԸ կամ կորեական ազգային տարազը ունի երկար դարերի պատմություն,գալիս է պատմության խորքից, երբ մադիկ հագնում էին այս տարազը ամեն օր: Սակայն ժամանակի հետ, ինչպես ցանկացած երկրում, այսրեղ ևս եվրոպականացման հետ մեկտեղ սկսում են կրել եվրոպական զգեստներ: Լինելով ավանդական ժողովուրդ նրանք չեն մոռանում իրենց սովորույթները, և մինչև օրս նրանք կրում են տարազներ, սակայն արդեն որոշակի տոների և առիթների ժամանակ: Ունեն ինչպես տղամարդկանց, այնպես էլ կանանց համար նախատեսված զգեստներ: Տղամարդկանց զգեստները կազմված են վերևի բաճկոնակից, որը կոչվում է Չոգորի, և լայն տաբատից` Պաչի, որը կապվում է կոճերի մոտ: Կանանց Հանբոկը կազմված է իրար փաթաթվող կիսաշրջազգեստից, որը կոչվում է Չիմա,և կարճ բաճկոնակից,որը կապվում է կրծքի տակից երկար թելթրով: Հանբոկի լայնությունը թույլ է տալիս ազատ ու անկաշկանդ շարժվել, ինչպես նաև թաքցնում է մարմնի ձևը: Բացի առօրյա հագուստից, կա նաև տոնական զգեստների լայն տեսականի, որոնք նախատեսված են հարսանիքների, ծնունդների, ու թազման արարողությունների համար: Մի շարք գլխարկներ,կոշիկներ,ու աքսեսուարներ համալրում են կորեական տարազի գեղեցկությունն ու ինքնատիպությունը: Կորեական տարազի թևքերը լայն են և ուղիղ, իսկ դաստակի մոտ նեղ են , երբեմն կապվում են: Վերնազգեստի օձիքը սուր է, որը ունի իր ավանդական նշանակությունը: Քանի որ կանայք էին կարում իրենց տղամարդկանց հագուստները,ապա նրանք պետք է ունենային բավական հմտություն ճիշտ կարելու համար:
|